Стартаваў сёмы фестываль беларускамоўнай рэкламы 
і камунікацыі aDNaK!

12.05.2016

Автор: Константин Носков
Комментариев: 0

З 5 мая да 10 чэрвеня будзе адкрыты прыём працаў ад удзельнікаў Фестывалю, а цырымонія ўзнагароджання пройдзе 30 чэрвеня ў Мінску. Фестываль не страціў сваёй сацыяльнай значнасці, таму ўдзел у ім, як і заўсёды, бясплатны.

Кожны год Фестываль традыцыйна прапаноўвае новую ідэю, звяртаючы ўвагу грамадскасці і прафесійнай супольнасці на актуальныя пытанні ў сферы камунікацыі і рэкламы. Ідэя сёлетняга Сёмага AD.NAK! — “аDNаK — ген беларускага крэатыву”.

Канцэпцыю Фестывалю тлумачыць каардынатар кампаніі “Будзьма беларусамі!”, ініцыятара aDNaK!, Ніна Шыдлоўская: “Фестываль ужо стаў актуальнай і чаканай з’явай. Як пісалі СМІ 7 гадоў таму, правёўшы Першы фестываль, “Будзьма!” запусціла рухавік беларускамоўнай рэкламы. Цягам гэтых гадоў мы імкнуліся акцэнтаваць увагу на розных момантах: і агулам вызначыць становішча беларускамоўнай рэкламы, і даць штуршок у развіцці рэкламна-камунікацыйнага рынку, і замацаваць беларускую мову ў сферы бізнесу як паўнавартасны і адметны сродак камунікацыі. У мінулым годзе мы надалі асаблівую ўвагу асобе самога рэкламіста. А ў гэтым годзе вырашылі зноў вярнуць увагу рэкламістаў і рэкламадаўцаў да больш глыбокіх, падставовых рэчаў: сапраўдныя шэдэўры можна ствараць толькі на грунце тысячагадовых каштоўнасцяў, якія ўжо закладзеныя ў нашых генах”.

За апошнія гады ў Мінску і рэгіёнах Беларусі стала заўважна болей беларускамоўных і беларускаарыентаваных праектаў, а таксама з’явілася пэўная колькасць камунікацыйных прадуктаў па-за ўласна беларускамоўным культурным полем, якія папулярызуюць абсалютна розныя рэчы і паслугі, выкарыстоўваючы візуальныя элементы нашай традыцыйнай культуры. 

Спрадвечныя беларускія ўзоры цяпер можна сустрэць не толькі на ручніках або ў музеі, але і на вопратцы, аўто, апошняй мадэлі смартфона і нават на ўпакоўцы харчовых прадуктаў. Тэматыка аўтэнтыкі ўсё больш прываблівае беларускую моладзь. І бізнес, як звычайна, найперш рэагуе на попыт, усё ахвотней стварае рэкламны і камунікацыйны прадукт на падставе традыцыйных каштоўнасцяў. Аргкамітэт Фестывалю вітае гэтыя працэсы, але лічыць, што яны, з аднаго боку, павінныя ўцягваць у сваё кола ўсё новых рэкламістаў, спецыялістаў у сферы камунікацыі, культурніцкіх менеджараў і прадзюсараў, а з іншага — працягваць развіваць і паглыбляць прысутнасць беларускай культуры ў рэкламе, якая не павінная зводзіцца да пераносу традыцыйных арнаментаў на сучасныя вырабы. Такая цікавасць можа быць няўстойлівай. Таму, каб зрабіць прыкметы беларускасці натуральнымі, а нашую рэкламу —адметнай і арыгінальнай, варта іх пераасэнсоўваць і асучасніваць, выкарыстоўваючы ўсё багацце нашай больш чым тысячагадовай гісторыі і культуры. 

Дзеля гэтага Фестываль і прапаноўвае аб’яднаць намаганні і дапамагчы беларускамоўнай рэкламе раскрыць свой ген крэатыўнасці!

Генеральным партнёрам Фестывалю трэці год запар выступае кампанія velcom. Да правядзення Фестывалю далучыліся таксама 45 арганізацыйных і медыяпартнёраў. І пул партнёраў адкрыты! 

Прыём працаў да ўдзелу ў намінацыях і конкурсах Сёмага фестывалю aDNaK! пачынаецца 5 мая. Дэдлайн прыёму работ прызначаны на 10 чэрвеня. А неад’емная фінальная частка Фестывалю — урачыстая цырымонія ўзнагароджання пераможцаў з папярэдняй адукацыйнай праграмай — пройдзе 30 чэрвеня ў Мінску.

Як адзначыў Сяргей Скараход, сустаршыня Аргкамітэта Фестывалю aDNaK! і пастаянны партнёр кампаніі “Будзьма беларусамі!”, “па сутнасці, Фестываль звярнуўся да сваіх вытокаў, але ўжо на іншым узроўні. Ідэя гена беларускасці ў тым ці іншым выглядзе была асновай і Першага фестывалю, калі мы вылучылі беларускамоўную камунікацыю з усяго таго патоку рэкламы, што існаваў напрыканцы мінулага дзесяцігоддзя. Але сёння мы ўжо не рамантыкі-даследчыкі, сёння, калі мы кажам пра беларускамоўную і беларускаарыентаваную рэкламу, на першы план выходзяць эфектыўнасць праектаў і бізнес-вынікі, якія мы назіраем у гэтым сегменце ў сучасных эканамічных абставінах”.

Падчас Фестывалю плануецца, як заўжды, разнастайная адукацыйная праграма з удзелам як беларускіх і замежных рэкламістаў, так і цікавых асобаў з іншых сфераў, якія пашыраюць еўрапейскія падыходы і тэндэнцыі, уплываючы на рэкламу і бізнес-камунікацыю.

Падрабязная праграма будзе абвешчаная напрыканцы траўня.

Дадатковую інфармацыю пра Фестываль можна атрымаць на сайце adnak.by, па тэлефоне +375 29 371-01-21 альбо праз e-mail adnak@budzma.org, а таксама:

Канстанцін Касяк,

прэс-сакратар ГКК "Будзьма беларусамі!"

kastus.budzma@gmail.com

razam@budzma.org

+375 29 567 50 90, skypename — kanstancin.kasiak

Да ведама. 55,6% беларусаў “за” беларускую мову ў рэкламе (паводле апытання “Новак” на замову “Будзьма беларусамі!”, 2012 г.), гэтую лічбу пацвердзілі MASMI ў 2014 г. (56%). Паводле MASMI (2014 г.), 60% рэспандэнтаў падтрымліваюць беларускую мову ў афармленні гарадоў і вітрын. Адпаведнае даследаванне кампанія “Будзьма беларусамі!” плануе ў 1-м паўгоддзі 2016 г.

© ADline.by

Написать комментарий

Только зарегистрированные пользователи могут оставлять комментарии. Пожалуйста, авторизуйтесь или зарегистрируйтесь

Сейчас обсуждают в галерее | в журнале

levseverov levseverov Креативная рекламная кампания Салона мебели и аксессуаров «Сквирел»
Вообще удивился как всё продумано. Большое спасибо http://xn--80adcbahqiatn9actk1b7d.xn--p1ai развить бизнес в этом направлении поможет ваша информация.
Georgy Horov Georgy Horov Хороший сайт – успешное развитие бизнеса
И нужно не забывать о продвижении сайта потом.
Есть много платных способов, но также и бесплатных, и многие бесплатные не менее эффективны чем платные.
К примеру размещение компаний в каталогах, справочниках различных, а оттуда можно получить хороший поток посетителей.
В интернете достаточно таких площадок, вот к примеру информационный портал о компаниях Думки Бай
Размещение там бесплатное, а платно доступен более широкой функционал по рекламе.
Georgy Horov Georgy Horov Эффективная реклама, которая не требует никаких затрат
Так же в наше время нужно обязательно использовать рекламу в интернете.
Это создаст узнаваемость бренда и дополнительный поток клиентов с наименьшими затратами.
Можно поискать в интернете агентства, а можно поработать напрямую с площадками.
Вот к примеру реклама на информационном портале честных отзывов и приемлемая цена. Там достаточно широкие возможности по рекламы.
Павел Павел Наружная реклама от агентства «Вираж»
Если потребуются услуги наружной рекламы в Москве. обращайтесь в РПК Сайн Систем
Smit Smit Как продать свои рисунки в интернете?
Мне это тоже было интересно. Ведь хочется и фотографии попродавать.